شعبۂ تحفیظ القرآن

شعبۂ تحفیظ القرآن

اللہ رب العزت کا اپنے بندوں پر عظیم انعام ہے کہ اس نے اپنا مقدس کلام دنیا میں نازل فرمایا اور ساتھ ہی اس کی حفاظت کی ذمہ داری بھی خود لے لی ورنہ انسان کے بس کا کب تھا کہ اس کی حفاظت کرتا چنانچہ ارشاد فرمایا اِنَّا نَحْنُ نَزَّلْنَاالذِّکْرَوَ اِنَّا لَہٗ لَحَافِظُوْنَ( سورئہ حجر آیت : ۹)’’ ہم نے ہی قرآن کواتارا ہے اور ہم ہی اس کی حفاظت کرنے والے ہیں ‘‘
پس جب اس کی حمایت اور حفاظت میں یہ کتاب ہے پھر کس ہاتھ میں یہ قدرت ہے کہ اس میں ذرا بھی تغیر کرسکے ۔ حق تعالیٰ نے اس کی حفاظت کے انتظام کا ذریعہ اپنے بندوں ہی کو بنایا جو اس پر ایمان رکھتے ہیں گویا کہ یہ لوگ خدا کی اس عظیم امانت کی حفاظت کے لئے خدائی لشکر ہیں اسی طرح اس کے خدمت گزاروں کو بھی حق تعالیٰ نے خصوصی شرف بخشا ہے ، اسی جماعت میں سے ایک جماعت حفاظ کرام کی ہے جن کو اپنے کلام پاک کی حفاظت کا ذریعہ بنایا ہے ۔
دارالعلوم نے انہیں حفاظ کرام کی فوج گراں تیارکرنے کے لیے شعبۂ تحفیظ القرآن قائم کیا ہے جس کو آٹھ درجات میں تقسیم کیا گیا ہے اوراس کی تعلیم وتربیت کی نگرانی کے
لیےآٹھ ماہر فن ،لائق اور تجربہ کار اساتذۂ کرام کی خدمات حاصل ہے ،سے اپنی ترقی کے لیے شب وروز محنت میں مصروف ہیں اور طلبہ میں مزید شوق بڑھانے کے لیے جو بھی طالب علم پارے کی تکمیل جلد کرتا ہے اس کو انعام بھی دیا جاتا ہے ،اس شعبہ میں مکمل تجوید کی رعایت کرتے ہوئے قرآن مجید کی پختگی کی فکر کی جاتی ہیں۔اس تعلیمی نظام میں مزید نکھار لانے کے لئے ہر طالب علم کے پاس یومیہ کیفیت اسباق کی کاپی ہوتی ہے جس میں روزانہ کی تعلیمی کیفیت کا اندراج اور تعلیمی جائزہ کاپی کے ذریعہ امتحان ہوتا ہے ۔
جس میںمکمل پارے کی تعلیمی کیفیت کا اندراج ہوتا رہتا ہے اور پارے کے ختم پر اس یاد کردہ پارے کا امتحان ہو کر اگر اس پارے کی تعلیمی کیفیت کا معیار بہتر رہا تو آگے ترقی دی جاتی ہے ورنہ ترقی سابقہ کیفیت کے بہترہونے تک موقوف کردی جاتی ہے تاکہ اس طرز عمل سے تعلیم اور تربیت میں مزید نکھار پیدا ہو۔