شعبۂ مکاتب قرآنیہ

شعبۂ مکاتب قرآنیہہ

آج کا یہ دور فتنہ و فساد اور آ زمائش کا دور ہے ، ایمان اور اخلاق کو خراب کرنے والی رنگ برنگی اور نت نئی چیزیں وجود میں آرہی ہیں۔ معاشرے میں بے ایمانی ،بد اعتقادی ، بداخلاقی ، بے حیائی ، زناکاری ، جھوٹ ،غیبت،چوری ،رشوت ،دھوکہ دہی جیسی مہلک بیماریاں گھر کررہی ہیں، آئے دن برائیوں کی کثرت ہوتی جارہی ہیں ۔ خصوصاً ایسے دور میں جب کہ باطل پوری تیاری کی ساتھ اسلام کے خلاف میدان میں صف آراء ہوچکا ہے ، جو ہماری نسلوں کی ایمانی و مذہبی حرارت کو کچل دینا چاہتا ہے ،ہمارے مذہبی شعائر اور تہذیب و تمدن کو مٹانے اور ملی تشخصا ت وامتیازات کو ایک قصہ پارینہ بنادینے کا تہیہ کر چکا ہے،اسی کے ساتھ ارتداد کی لہر نے امت کے دلِ درد مند رکھنے حضرات کو لرزاں وحیران کردیا ہے، لہٰذا ایسے نازک دور میں ہماری نسلوں ومسلم نو نہالوں کودینی مدارس و مکاتب قائم کرکے دین کی بنیادی تعلیم دے کر ان کے دین و ایمان کی حفاظت کرنا ہمارا اولین فریضہ ہے ،اسی اہم مقصد کو ملحوظ رکھ کردارالعلوم نے ان مسلم نو نہالوں کی دین و ایمان کی حفاظت کی غرض سے جگہ جگہ مکاتب قرآنیہ کے قیام کی ضرورت محسوس کی اور اس کو عملی جامہ پہنانے کی فکر میں شب و روز سر گرداں ہے ۔