works

دارالعلوم سونوری ایک نظر میں
٭بانی ومہتمم:- حضرت مولانامفتی محمد روشن شاہ صاحب قاسمی ؔظلہ العالی
٭سنِ تاسیس : ۱۲ ؍ربیع الثانی ۱۴۱۸؁ھ مطابق۱۷ ؍اگست ۱۹۹۷؁ء بروز اتوار
٭سنگ بنیاد:بدست مبارک حضرت مولانا محمد یونس صاحب پونوی ؒ (ذمہ دار جماعت تبلیغ مہاراشڑ )
٭شعبہ جات: شعبۂ اہتمام،تنظیم وترقی،تعلیمات،عا لمیت ،تحفیظ القرآن، ناظرہ مع دینیات،اسکول پہلی تا بارہویں ،MSC IT کمپیو ٹرکورس، کتب خانہ،دارالمطالعہ،انجمن اصلاح البیان،النادی العربی،خوش نویسی،مسابقات،تدریب المعلمین،مکاتبِ قرآنیہ ،دارالافتاء،دعوت وتبلیغ ، تصنیف وتالیف ، نشر و اشاعت ، محاسبی، دارالاقامہ، مہمان خانہ ،ہاسپیٹل،مطبخ، باغبانی وغیرہ

تعداد کل طلبہ :- ۵۵۰
٭ تعداد بیرونی طلبہ :- ۳۷۵
٭ تعداد یتیم طلبہ :- ۴۴
٭ تعداد مقامی طلبہ :- ۱۷۵
٭ تعداد معلمین کرام :- ۲۳
٭ تعداد خادمین و ملازم : – ۱۴
٭ فارغینِ حفاظ ِ کرام کی تعداد :- ۱۲۹
٭ تعداد مکاتبِ قر آنیہ :- ۳۲۰
٭ تعداد اساتذئہ مکاتب ِ قرآنیہ :- ۳۵۲
٭ تعداد نگران ِ مکاتبِ قرآنیہ :- ۵
٭ تعداد طلبہ مکاتبِ قرآنیہ :- ۱۶۰۳۲
٭ سالانہ اخراجات :- 48,00,000/-
٭ تعمیرات خرچ :- 16,70,168/-
٭ سالانہ کل اخراجات :- 64,70,168/-

تعلیم و اہمیت ِتعلیم
نَحْمَدُہٗ ونُصَلِّی عَلیٰ رَسُوْلِہِ الْکَرِیْمِ اَمَّابَعْدُ!
بیشک قرآن کریم اللہ تبارک تعالیٰ کی آخری کتاب ہے جو ہمارے پیغمبر نبی آخر الزماں ﷺ پر نازل کی گئی اور اب امّت پرکوئی کتاب نہیں آئے گی ،صرف قرآن ہی پر عمل کرنا اس کو سیکھنا سکھاناامّت مسلمہ پر فرض قرار دیا گیا ہے ،چنانچہ اللہ تبارک وتعالیٰ ارشاد فرماتے ہیں ’’قُلْ ھَلْ یَسْتَوِی الَّذِیْنَ یَعْلَمُوْنَ وَالَّذِیْنَ لَا یَعْلَمُوْنَ ‘‘ یعنی کیا جاننے والے اور نہ جاننے والے دونوں برابر ہو سکتے ہیں ؟ اس آیۃ کریمہ سے صاف وصریح طور پر واضح ہو جاتا ہے کہ نہ جاننے والاعلم والے کے درجہ کو نہیں پہنچ سکتا،نیز ایک روایت میں ہے کہ آپ ﷺ نے ارشاد فرمایا’’ طَلَبُ الْعِلْمِ فَرِیْضَۃٌعَلیٰ کُلِّ مُسْلِمٍ‘‘ علم دین کاحاصل کرنا ہر مسلمان پر فرض ہے ،یہ حقیقت ہے کہ تعلیم ہی قوموں کے عروج وارتقاء کا سبب ہے اور تعلیمی دور کوترقی وفوزوفلاح کا دورکہا گیا ہے ،تعلیم ہی عزت وعظمت جاہ وحشمت اور سر بلندی کی بنیاد رہی ہے ،جس کی تعریف قرآن کریم میںبھی مؤثراندازسے بیان کی گئی ہے، تعلیم سے انحراف عدم دلچسپی قوموں کی پستی پسماندگی اور زوال کا سبب رہا ہے نبی ٔ پاک ﷺنے جہاں امّت کی صلاح وفلاح اور ہدایت کے سلسلہ میں رہبری و رہنمائی فرمائی ہے وہیںپر سب سے نمایا ںطور پرامّت کو تعلیم کی ترغیب و اہمیت کی طرف توجہ دلائی ہے اور مختلف پہلوؤں اور پیرایوں سے تعلیم ہی کو اصل قرار دیا ہے کہیں’’اُطْلُبُوْاالْعِلْمَ وَلَوکَانَ بِالصِّیْنِ ‘‘ترجمہ:علم حاصل کرو چاہے چین جانا پڑے، کہیں’’طَلَبُ الْعِلْمِ فَرِیْضَۃٌ عَلیٰ کُلِّ مُسْلِمٍ‘‘ ترجمہ:علم کسا حاصل کرنا ہر مسلمان پر فرض ہے،کہیں’’اَلْعِلْمُ وَسِیْلَۃٌ لِکُلِّ فَضِیْلَۃٍ‘‘ترجمہ:علم ہر فضیلت وبزرگی کا وسیلہ اور ذریعہ ہے،توکہیں’’ مَنْ سَلَکَ طَرِیْقاً یَطْلُبُ فِیْہِ عِلْماً سَھَّلَ اللّٰہُ بِہٖ طَرِیْقاً اِلیَ الْجَنَّۃِ‘‘ ترجمہ: جو شخص علم کی تلاش میں کسی راہ پر چل پڑے ،اللہ تعالی اس کے لیے جنت کی راہ آسان فرمادیتے ہیں، جیسے بلیغ جوامع الکلم ارشادات سے امّت کے ضمیر کو جھنجوڑا اور جہالت اور نادانی کی گند گی سے امّت کو بچا کر علم کی افادیت واہمیت پر حد درجہ زور دے کر دولتِ علم سے آراستہ وپیراستہ کیا اور قرآن پاک کا اعلان ’’عَلَّمَ الْاِنْسَانَ مَا لَمْ یَعْلَمْ ‘‘ترجمہ:اللہ نے انسان کو وہ علم عطا کیا جو وہ جانتا نہ تھا’’اَلرَّحْمٰنُ عَلّمَ الْقُرْآنَ خَلَقَ الْاِنْسَانَ عَلَّمَہٗ الْاَسْمَاءَ کُلَّھَا‘‘ ترجمہ:اللہ تعالی نے حضرت آدمؑ کو تمام چیزوں کے نام سکھادیے،آیات ربانی نے تو علم کی عظمت و رفعت پر مہر ہی ثبت کر ڈالی جس کے بعد کسی کالم کی ضرورت محسوس نہیں ہوتی آج کے پُر فتن پُرآشوب دور میں جہاں مسلمانوں کی منظم طور پر نسل کشی اور اسلام دشمنی عالمی پیمانے پر سرگرم ہے ،وہیں پر ہندوستان میںاسلام اور مسلمانوں کی مخالفت میں فسطائی قوتیں اور غلط عناصر سر اٹھارہے ہیں،ایسے نازک اضطراب وانتشارکے حالات میں مسلمانوں کی بقاء وتحفظ کا مسئلہ بڑا اہم ہوگیا ہے جس کاعلاج مسلمانوں کے پاس صرف اور صرف تعلیم ہے ، مسلمان آگے آئیں اور تعلیم میں دلچسپی لیں اپنے بچوں کو دینی وعصری علوم سے آراسۃ کریں ۔
الحمد للہ اس سلسلہ میں مدارس اسلامیہ اور مراکز دینیہ بہت اچھا اور کلیدی کردار اداکر رہے ہیں یہی اسلام اور مسلمانوں کی علامت ہیں یہی دین حنیف کے قلعے ہیں ان کی آبیاری ان کی حفاظت ان کی دامے درمے قدمے سخنے مدد کر نااس دور میں عینِ ثواب ہے۔
دنیا کے ممالک میں ہندوستان اپنی شان اپنی آن بان کا نرالہ ملک ہے مختلف مذاہب وملل اور مختلف ادیان کے لوگ ہندوستان میں زندگی بسر کرتے ہیں اور ہر رنگ ونسل کا آدمی اس ملک میں موجود ہے اوراپنے اپنے دین ومذہب کی ترویج و تعلیم اورتبلیغ میں مشغول و مصروف عمل ہے، ہندوستان سراسر مذہبی ملک ہے ہندوستان کاکوئی دور تعلیمی و مذہبی سرگرمیوںسے خالی نہیں رہا ہے ،بہر حال دولتِ علم اللہ کی عظیم دولت ہے اسی دولت سے انسان مدارج ِترقی طے کرتا ہے یہی قوموںوملکوں کی ترقی کا سبب ہے تعلیم سے انسان باہنر باکمال بنتا ہے اور تعلیم ہی سے اقتصادیات ومعاشیات کا سدھار اور معاشرہ کو صالح بنایا جاسکتا ہے تعلیم ایک روشنی ہے جو جہالت ضلالت نادانی و گمراہی کی گھٹا ٹوپ اندھیریوں میں ہدایت کا روشن چراغ جلاتی ہے ، انسان کو شاہراہ ِ ترقی پر لاتی ہے جس سے انسان زندگی کے ہر شعبہ میں فوزوفلاح اور کامیابیوں سے ہمکنار ہوتا ہے۔
الْبَیَانط ترجمہ:رحمن نے قرآن کی تعلیم دی ،اسی نے انسان کو پیدا کیا اور بولنا کھایا،وَعَلَّمَ آدَمَ

مدارس و مکاتب کی اہمیت
حضرت مولانا سید ابوالحسن علی الحسنی ند ویؒ کی نظر میں
جب مسلمانوں کا سیاسی قلــعہ ان کے ہاتھ سے نکل گیا تو علماء نے شریعت و تہذیب کے قلعے قائم کر دیے ۔آج اسلامی تہذیب ان ہی قلعوں میں پناہ گزیں ہے اور اس کی ساری طاقت و قوت ان ہی پر موقوف ہے ۔ اللہ کے جواں مرد بندے دنیاوی مال و دولت سے منہ موڑ کر مدارس و مکاتب کی ٹوٹی چٹائیوں اور پھٹی بوریوں پر بیٹھ گئے اور اس وقت تک نہ اٹھے جب تک دنیا ہی سے ــسر اُٹھنے کا پیغام نہ آگیا اور جب اُٹھے تو دین کے خدمت گزاروں کی ایک فوجِ گراں تیار کرکے اُٹھے ۔ اللہ نے ان کو حیرت انگیز کامیابیوں سے نوازاکیونکہ ان قلعوںکی بنیادوں میں اکابر کے مقدس ہاتھوں سے اخلاص کی پاکیز ہ مٹی لگی ہوئی تھی ۔ اس لیے انہیں اپنے مقاصدمیں حیرت انگیز کامیابی ملی اور ان چہار دیواریوں سے قلیل مدت میں ہزاروں مفسر، محدث ،فقیہ ،متکلم ، مبلغ، خطیب اور مناظر تیار ہوکر نکلے۔ جنھوں نے اسلامی تعلیمات کو گاؤں گاؤں اور گھر گھر پہونچایا ، اسلام مخالف تحریکات کی سرکوبی کی،وطن عزیز کو انگریزی سامراج کے پنجوںسے آزاد کرایا ، ناموسِ رسالت اور مقام صحابہ کی حفاظت کی ، مادیت پرستوں کے ذلت آمیزنعرے’’ چلو تم اُدھر کو ہواہو جدھر کی ‘‘کا منہ توڑ جواب دیا ـ۔ان مدارس کا پیش رو اور پیشوا دیوبند کی سرزمین پر تعمیر ہونے والا عربی مدرسہ تھا جو ’’ دارالعلوم دیوبند ‘‘کے نام سے معروف ومشہور ہے ۔
الغرض ان اداروں نے اپنی بے سروسامانی کے باوجود وہ سب کچھ کر دکھایاجو ایک عظیم اسلامی سلطنت کی ذمہ داری ہوا کرتی ہے اور اتنے بڑے پیمانے پر کیا جس کی نظیر پچھلی تین سو سالہ تاریخ میں نہیں ملتی ۔
مکاتب کے متعلق فرماتے ہیں’’مکاتب کو سرگرم عمل رکھیں اور زیادہ سے زیادہ ان کے دائرہ کو وسیع کرتے رہیں ،مکاتب کے مدرِسین کی ذہن سازی ضروری ہے ۔ دعوتی مزاج کے بغیر تعلیم وتربیت جیسے مشکل کام کا انجام پانا  ذہن کو اصلاح معاشر ہ کے لئے تیار کرنے کی ضرورت ہے ‘‘۔
مشکل ہوتا ہے ۔ دوسری بات یہ ہے کہ ان مدرِسین کے

دینی مدارس ومکاتب
ڈاکٹر علامہ اقبال ؒکی نظر میں
مشہور ادیب و شاعر حکیم احمد شجاع ،اسلام کے انقلابی شاعر علامہ اقبالؒ کے دیرینہ نیاز مند تھے ، انھوں نے اپنی کتاب’’ خوں بہا ‘‘میں علامہ اقبال کے متعلق بھی یادداشتیں قلم بندکی ہیں اس کتاب میں انھوں نے ایک جگہ لکھا ہے کہ ایک مجلس میں ، میں نے دینی مدارس ومکاتب کا تذکرہ کیا تو علامہ اقبالؒ نے مجھے مخاطب کرتے ہوئے درد مندی اور دل سوزی کے ساتھ فرمایا کہ’’ جب میں تمھاری طرح جوان تھا تو میرے قلب کی کیفیت بھی ایسی ہی تھی ،میں وہی کچھ چاہتا تھا جو تم چاہتے ہو، انقلاب ایک ایسا انقلاب جو ہندوستان کے مسلمانوں کو مغرب کی مہذب اور متمدن قوموں کے دوش بدوش کھڑا کردے ، یورپ کودیکھنے کے بعد میری رائے بدل گئی ہے ،ان مکتبوں کو اسی حالت میں رہنے دو ،غریب مسلمانوں کے بچوں کو انہیں مکتبوں میں پڑھنے دو ، اگر یہ مُلاو درویش نہ رہے تو جانتے ہو کیا ہوگا ؟۔۔۔۔۔۔۔۔۔جو کچھ ہوگا میں اسے اپنی آنکھو ں سے دیکھ آیا ہوں اگر ہندوستان کے مسلمان ان مکتبوںکے اثر سے محروم ہوگئے تو با لکل اسی طرح ہوگاجس طرح ہسپانیہ میں مسلمانوں کی آٹھ سو برس کی حکومت کے باوجود آج غرناطہ اور قرطبہ کے کھنڈر ، الحمراء اور باب الخواتین کے سوا اسلام کے پیروں اور اسلامی تہذیب کے آثار کا کوئی نقش نہیں ملتا ، ہندوستان میں بھی آگرہ کے تاج محل اور دلی کے لال قلعے کے سوا مسلمانوں کی آٹھ سو برس کی حکومت اور ان کی تہذیب کا کوئی نشان نہیں ملے گا ۔
(اوراق گم شدہ از رحیم بخش شاہین)

جس میںمکمل پارے کی تعلیمی کیفیت کا اندراج ہوتا رہتا ہے اور پارے کے ختم پر اس یاد کردہ پارے کا امتحان ہو کر اگر اس پارے کی تعلیمی کیفیت کا معیار بہتر رہا تو آگے ترقی دی جاتی ہے ورنہ ترقی سابقہ کیفیت کے بہترہونے تک موقوف کردی جاتی ہے تاکہ اس طرز عمل سے تعلیم اور تربیت میں مزید نکھار پیدا ہو۔